梁思浩拖兩女揀大床
梁思浩成為多棲藝人收入自然豬籠入水，近日見他換新車，買傢俬搬大屋，準備在生活上來個更優質的翻新。思浩以他這年的4月24日生日作為翻新日子，所以豪花近百萬元買名車氹自己開心，而身邊跟他一齊返工的電台同事亦受惠，其中陳彥行和Kawaii每日收工，都有順風車坐。
擔任靈異節目主持又做電台主播的梁思浩，有傳他返無綫出任司儀一職，頓成演藝圈的多棲藝人，思浩收入豬籠入水，平日忙爆的他，自然想在閒時過些優質的生活，作為回報自己，所以思浩準備搬大屋。日前特別相約好同事陳彥行和Kawaii去買大床揀傢俬布置「行宮」，期間見兩女為思浩提供不少意見，售貨員驟見思浩得兩女「侍候」亦為之側目。
座駕報銷換新車
其實，最令思浩成為這兩位女同事受歡迎的一環，是他用近百萬元的新車接收工，有靚車坐又有司機接送的行姐和Kawaii當然開心到痹。日前見兩女收工時跟思浩取車，三人出車後駛到就近公園安裝車的小飾物，思浩遇上記者，他透露換新車並非「貪新鮮」，只因早前遇上意外，座駕被撞而報銷，而個人則安全無恙，為愛錫自己，他索性換新車，適逢4月24日生日，正好作為生日禮物，雖然「重手」了些，但思浩說：「我咁辛苦晨早做完電台，半夜三更又主持靈異節目，其實冇覺好瞓，有時間休息，都想自己更舒適，所以先豪花近百萬換車，氹吓自己開心。」
文：影視組
攝：沈健程