馬賽 翟威廉拍拖有默契

馬賽和翟威廉最近在無綫古裝劇發展感情線，甚有火花！馬賽在《耀舞長安》中飾演一名舞優，更在劇中暗戀飾演形象顧問的威廉：「因為威廉同JJ（賈曉晨）喺戲中有另一條感情線，當時我個角色係以為威廉鍾意JJ呢類女仔，搞到我成日都學JJ化濃妝、着啲好性感嘅衫，搞出好多烏龍事！」

女讚男：勤力細心

馬賽又大讚現實中的威廉相當勤力，而且懂得照顧身邊人，她說：「記得當時有場戲要跳入去死水溫泉，當時個溫泉加咗消毒水，要浸入去嘅時候已經令我喉嚨好想咳，但因為要拍我暈，當威廉抱住我嘅時候，佢都好有默契地將我擰一擰，令攝錄機唔好咁清楚影到我，如果唔係就要retake多次！」

馬賽和翟威廉默契十足，合照時也擦出不少火花。

放大圖片

男讚女：平易近人

威廉就坦言因二人同屬同一經理人，所以私下已經很熟落，他亦大讚馬賽是個好演員，性格亦很容易相處。不過對於戲中要飾演貪靚的角色，威廉就笑言現實中的他亦「姿整」，他說：「男仔最緊要係整齊啦，但你知我鍾意打波、打功夫，除咗工作要化妝，其實平時外表上嘅嘢都唔係好理，哈哈。」

採訪：專案組

場地：Hooray bar & restaurant

髮型：Sidney@Hair

化妝：Tsoi Siu Chun

服裝：Sinequanone