Kendy出冧招 氹掂保安
譚詠麟師妹Robynn & Kendy為測試人氣兼為本月底處女音樂會造勢，日前到文化中心「擺檔」表演，但慘遭保安員驅趕，成員Kendy成功使出「微笑」冧招獲對方放過多唱兩首歌，最後兩女食雪糕慶祝。
二人女子組合Robynn & Kendy將於5月27日假九展舉行音樂會，雖然兩女近日忙於綵排，但日前抽空到文化中心對開空地舉行迷你音樂會，吸引不少遊客、市民圍觀，估不到唱到第三首歌即有三名保安上前詢問：「邊位負責人？」曾在該處表演的Kendy淡定說：「我哋唱多兩首歌就走架喇。」並擺出招牌笑容，氹得保安員哥哥笑住說：「好啦，畀你唱多兩首。」現場人士即拍掌歡呼。
幫助壯膽
兩女為守承諾唱罷即狼狽收拾行裝速閃，並到附近買雪糕慶祝，問到被驅趕會否感尷尬？Kendy說：「唔會，我舊時成日喺英國街頭表演，返咗香港都試過幾次。（你冧到保安員？）唔好咁講，都要多謝佢哋唔即刻趕我哋走。」而Robynn大讚拍檔Kendy富街頭表演經驗，她說：「佢咩都見過晒，相信佢冇咩怕。」
對於處女音樂會，兩女異口同聲表示緊張兼有壓力，她們說：「始終第一次，少不免會緊張，依家日日攞住支結他係咁彈，希望到時有好嘅表現。」Kendy又表示街頭表演能幫助壯膽。
文：音樂組