諸葛未報喜 Baby出墊凸圍

熱爆時裝界的美籍華人設計師Alexander Wang，在港的首間品牌專門店前晚舉行開幕派對，吸引圈中一班潮人慕名而至，Angelababy、名模諸葛紫岐（Marie）、Ana R.、陳嘉寶、蔡穎恩、余文樂和吳雨霏等都有捧場。眾人在場內爭相跟Alexander合照，身為他粉絲的吳雨霏亦不錯過機會。

唔會後天加工

當晚Baby以一襲貼身連衣裙亮相，身形纖瘦的她上圍卻出奇地豐滿突出，她坦承做了手腳，Baby說：「有墊嘅。（加咗好多墊？）正常墊，同埋因為件衫太緊。（驚唔驚畀人話你後天加工？）唔驚，畀人話到慣咗，做好自己就得。（有冇諗過後天加工？）冇諗過，我都唔係墊咗好多，好滿意自己依家嘅身材，不過想食番肥啲。如果只係嗰度好豐滿而個身好瘦會好奇怪。」她又大讚男友黃曉明身形靚。

Baby穿貼身連衣裙亮相，身形纖瘦的她承認加了胸墊。	陳嘉寶（左）與蔡穎恩孖住現身。	吳雨霏是Alexander粉絲，當然不錯過合照機會。

提到早前在大陸遭粉絲熊抱一事，Baby說：「呢次係最激一次，平時自己好小心，第一次遇到呢啲情況。大家唔好咁樣，要注意安全。」她還祝福趙又廷和高圓圓的戀情。日本導演岩井俊二日前看過她跟趙又廷演出的電影《第一次》後，讚她氣質跟日本女星蒼井優相似。

關心旗下藝人

而Marie就表示早前母親節分別陪了母親和奶奶慶祝，她說：「奶奶就正日，媽咪就提早，我同主席（老公薛嘉麟）一起返咗北京探媽咪。（有好消息未？）未，我仲着緊高踭鞋，如果我知自己有咗唔會着高踭鞋。（媽咪有冇催你生B？）有，次次見我都問，反而老爺奶奶就冇催，順其自然。（你同老公有冇努力造人？）唔會刻意，有就好開心。」談到近日的女星被醉姦疑案，Marie說：「我有睇新聞，老公都好關心呢次事件，佢好注重公司嘅Artist，有教佢哋點樣保護自己。我以前喺日本錄歌時，亦無發生過呢啲事。」

文：名人組