「怪談女」林熹瞳（Rachel）日前終於成功考獲車牌（見圖），收到成績一刻，她真情流露開心到彈起：「繼上次遇到橫衝直撞女途人後，今次考試我學精咗，一上車就同自己大聲講『淡定有錢剩！』，雖然搞到考官笑咗出嚟，但我覺得同自己打完氣後，成程車真係冇咁騰雞，結果成個路試過程都好順利，考兩次就成功pass，算係比預期叻咗！（買車獎勵自己？）未諗買車住，會問朋友借車嚟揸住先，打算考到車牌頭三個月，會先載啲仇人先，等我熟悉點樣應付路面情況，至會諗載埋我啲朋友！」
