古巨基踎監3小時 罰抄手軟

基仔的國語專輯《大時代》推出後熱爆內地，粉絲紛紛訂購新碟，還希望獲得基仔親筆簽名，結果英皇收到了逾2千張訂碟，為了滿足粉絲要求，基仔特別抽空返公司，埋首罰抄簽名，足足簽了3小時，才簽完所有新碟。大功告成後，他舒一口氣說：「手軟啦！」

同事偷拍

原來，當日英皇同事都不知基仔回公司，突然見到他在行政總裁吳雨隔鄰的房間簽名時，都感到很驚訝，有同事即時興起偷拍片，手持攝錄機入房，打開門對基仔笑說：「基仔，（監獄）處長嚟探你，有乜要求？」基仔鬼馬回應：「我想盒飯加個橙啫。」

Lorraine雖是得力助手，但基仔不會讓她代簽名。

古巨基狂簽二千個名，雖然心靈滿足，但難免手軟。

愛搞爛gag的基仔對着鏡頭笑說：「你哋唔係嚟咗工廠區，呢度係英皇總部，公司叫我返嚟話有嘢益我，點知返到嚟就困喺呢間房度串膠花……唔係，係為廣大樂迷簽名，今日要簽二千張碟，我好樂意亦好榮幸咁做，不過隻手有啲軟。」

喜有知音

基仔坦言雖然簽名簽到手軟，令肉體上有點疲憊，但心靈上感到很開心：「因為有知音人聽我嘅唱片及珍藏，不過下次分幾日簽好啲。」問點解唔搵得力助手Lorraine代簽？基仔笑說：「得力助手冇呢個天分，我個簽名有公仔底，唔係咁易學到。」

文：音樂組