李綺雯食飽飽 拉實猛男唔願走

無綫小花李綺雯（o靚妹）未受前緋聞球員男友陷事業危機影響，前晚她與數名友人到中環餐廳醫肚，眾人大擦一輪後才埋單離開，但o靚妹不捨得走人，還熱情地拉着大隻男友人吹水，傾了一輪才分道揚鑣。
穿熱褲的李綺雯晒長腿現身中環。
穿熱褲的李綺雯晒長腿現身中環。

其後o靚妹獨自在附近閒逛，穿背心短褲的她邊行邊低頭玩電話，當路過售賣七十元有找的街邊檔時，慳家的她即駐足揀靚衫，未幾已掃下了不少平貨離開。

李綺雯與大隻男雞啄唔斷。
  • 李綺雯與大隻男雞啄唔斷。