阿倫杜麗莎雙劍合璧鬥貼身
譚詠麟（阿倫）、杜麗莎昨日為7月20至23日的《譚詠麟 杜麗莎Time After Time演唱會》舉行記者會，身穿低胸裝的杜麗莎大搶風頭，贊助商送錶又送劍，寓意雙劍合璧，兩人隨即在台上作「格劍」狀。阿倫為杜麗莎平反，指她任唱歌比賽評判時看似很惡，但開了20多次會，反覺得她樂於接受別人意見，大家音樂上很夾。
杜麗莎酥胸半露，問演唱會服裝可會更性感？阿倫瞄一瞄她的低胸後，杜麗莎反問：「呢啲就叫sexy呀？我細個時，啲衫仲貼身、仲sexy。」阿倫搭訕說：「男仔都有貼身，現『袋』褲呀？（係咪會着呀？）我諗諗啦，我隻腳谷起上嚟都好實。」阿倫爆杜麗莎食素減肥，而他亦努力收身中，希望再減10磅。
陪阿媽歎紅酒
昨日是母親節，侍母至孝的阿倫前晚已和母親食飯慶祝，兩母子大歎紅酒，問他可有其他「家人」？他巧妙回答：「梗係有啦，所有有關人士都喺度，每次演唱會（佢）都有嚟。（邊個佢呀？）所有有關人士囉。」阿倫又指曾志偉愛亂噏，笑罵他無風起浪：「佢飲咗酒夠周圍同人講關淑怡個仔係佢架啦，佢咁講人哋會信，搞到滿城風雨。」
文：音樂組