朱玲玲報喜 剛晶結婚喇！

去年退役跳水隊現年30歲的郭晶晶，與現年32歲的霍啟剛拍拖8年，兩人雖然長期分隔兩地，但兩人拍拖以來感情如膠似漆，貴為「國寶級」運動員的晶晶，跟霍英東孫兒霍啟剛絕對是公主與王子配，近月晶晶頻頻來港，霍啟剛亦積極修身，一同為婚禮作準備。可能因喜事近，兩人更放下平日的避忌，早前竟罕有地結伴出席時裝活動，將戀情高調化。由於霍家人面廣，晶晶亦屬國寶級，故剛晶婚宴曾傳出會先在香港舉行婚宴，然後移師到北京設宴。

撻訂300萬轉場

盛傳香港站婚宴地點是會展和亞洲國際博覽館（亞博）二選一；亦有傳他們希望婚宴只舉行一天，但賓客眾多，需約300圍酒席宴客，亞博因場地夠大而成功跑出，並已落實於9月14日在亞博舉行世紀婚禮。據知，霍家方面一早付款300萬元訂金，但有指霍家幾位長輩嫌未夠體面竟不惜撻訂，希望改在會展舉行，更出動人情牌，致電鄭裕彤及兒子鄭家純出面搶檔期。估計選定九月是因要在時間上遷就出席的高官於飲宴後返回北京出席國慶酒會。剛晶世紀婚禮，場地連布置及酒席的花費，保守估計花逾千萬元。

朱玲玲前晚出席活動時難掩喜悅，親證兒子霍啟剛將於今年迎娶跳水公主郭晶晶。

朱玲玲與前夫霍震霆（左二）十分疼錫兒子。（資料圖片）

首做奶奶多嘢諗

「最美麗港姐」朱玲玲前晚出席《2012慧妍雅集30周年慈善晚會》時，親證剛晶婚事：「係呀，月份佢哋會同你哋講，係今年內，會自己講，都唔係秘密，派帖會有消息。（舉行世紀婚禮？）無，普通，等佢哋自己宣布，（有冇乜嘢準備？）唔係好識，第一個仔結婚。（做奶奶好緊張？）幾多嘢諗，今年去咗好多朋友婚宴，其中一個去足4次添！會留意下。（催新抱生B？）唔諗啦，佢自己諗。（有冇家規？）依家係摩登家庭，冇乜嘢可以教，佢係個好傳統女仔。（送家傳之寶畀新抱？）送紀念性嘅禮物，（飾物？）有心就得。」問到世紀婚禮的形式，會傳統一點還是簡單一點時，她說：「無乜點，香港得幾個地點，無乜誇張，（分兩日？）唔會，可能簽紙（嗰日）唔同擺酒（嗰日），唔使咁緊張。」她透露未來新抱現時不在港，而同日晶晶與友人現身北京一個高爾夫球會，同行未見啟剛。

至於以往只提運動、不提私事的「未來老爺」霍震霆，昨日以電話回覆時難得表現風趣，還着記者早點回家食飯慶祝母親節。問他有何準備送給剛晶？他罕有地開金口說：「佢哋『後生人』有自己考慮，（祝福佢哋？）佢哋有好多好朋友祝福！」

文：名人組