Lisa S.失手跌5千萬
名模Lisa S.昨日為珠寶拍賣預展擔任模特兒，示範價值連城的珠寶，當她展示一對估價約5000萬的美鑽時，竟不慎將手上的鑽石掉到地上。事後問Lisa當時可會感到尷尬？她說：「唔會，呢啲事不時會發生。（驚唔驚粒鑽石有損壞？）唔驚，有地氈又有保安，唔會有事。不過如果粒鑽石有咩事，我賣咗自己、賣埋老公Daniel（吳彥祖）、屋企人同所有家當都唔掂，賠唔起。好彩我未試過工作時要賠償珠寶。」
另外，她又透露會和琦琦合作開設網上首飾店，她說：「我哋會負責設計首飾同埋做Image girl宣傳，但就唔使拎錢出嚟，有投資嘅Partner。（老公有無份投資？）我哋投資同做生意都各自獨立。」
