林青霞教女揀男友搵爹哋做辦

前晚卡地亞舉行高級珠寶系列晚宴，除有一眾名人如「千億新抱」徐子淇、張艾嘉夫婦、葉梁美蘭、周汶錡與男友等以盛裝出席外，為隆重其事，大會特別邀得闊別品牌活動十年的大美人林青霞現身，更安排穿上制服的工作人員一字排開迎接出場，甚有氣勢。青霞受訪時透露品牌贊助了她支持的兩個慈善機構，令她大為感動，加上她寫書寫得悶了，故出來走走找靈感。問她會否有戲癮想復出？她笑說：「戲癮係有，但未必會拍，唔想有太大壓力，（周杰倫想搵你拍一套電影續集？）我哋有見過面，佢好nice呀！（但佢對傳媒唔nice，會否教導佢？）微笑就可以，動手梗係唔好！」

青霞獲大會安排眾男從後當「陪襯」，青霞則大方面對鏡頭，企定定任影。	青霞拖實繼女邢嘉倩一同合照。	衣着性感的徐子淇笑言會等老公安排母親節慶祝節目，又稱會叫囡囡代她畫卡送給母親。

拒留嫁妝予兩女

育有兩女的青霞，被問到會否留嫁妝給女兒時，竟稱「不需要」：「佢自己會搞掂，佢哋都唔鍾意！」她又自爆囡囡很孝順，會剪輯她的相片送給她，又試過將其新書封面製成蛋糕，很有意思。談到16歲的囡囡現已有男孩追求，問她會如何教囡囡找對象？她說：「教佢要搵個好似Daddy咁嘅男人，最緊要人品好，對佢好。」

葉梁美蘭	周汶錡與男友	卡地亞（北亞洲）區域行政總裁陸慧全（左）與張艾嘉夫婦留影。

狂NG自嘲冇人鬧

徐子淇則撇下老公及女兒獨自撐場，她稱老公李家誠送首飾時很有心思，會藏在枕頭底送驚喜。她又謂會把首飾留給新抱，不會留給女兒：「老公會送（首飾）畀個女嘛，同埋我見好多朋友嘅囝囝大咗都掛住拍拖，唔理個阿媽，我惟有行『奶奶政策』，我唔想個仔第時唔理我！」此外，子淇昨出席香港紅十字會活動，會上播出她演出的短片，她自言已8年沒參與拍攝工作：「好驚，我NG咗好幾次，以前實畀人鬧。（依家無人敢鬧你？）我鍾意畀人鬧，肯鬧你嘅人係真正為你好，依家得阿媽會鬧我。」

文：名人組