張慧雯清秀內藏妖媚

前華姐季軍張慧雯（Candy）早前在無綫劇集演實習醫生，角色形象清秀可人，沒想到現實中的她熱愛扮鬼扮馬，可塑性極高。讀書時代她曾為攝影師朋友練習拍照及擔任模特兒：「佢想我扮木偶，當時我對手搽咗一層油，然後用黑色橡筋箍住，令到我對手造成一截截嘅效果。影完相時，啲血液都唔暢通，後來見到啲相效果咁靚就覺值得！」

Candy說曾因朋友要交畢業功課，找她擔任「攝模」，當時她扮演冷酷的妖精，嘴唇只塗了中間，極像日本的歌伎，她說：「張相感覺好妖艷，好似唔係自己咁，所以令我好想做好多唔同變化嘅角色，唔想咁局限。後來我朋友仲拎到86分嘅高分，幫到人又做到自己喜歡嘅事，好開心！」

張慧雯曾替朋友擔任「攝模」，扮木偶。
  • 張慧雯曾替朋友擔任「攝模」，扮木偶。
張慧雯扮妖精。
  • 張慧雯扮妖精。