黃耀明捍衞私隱外遊拍拖
歌手黃耀明與藝人林嘉欣昨日出席在香港舉行的公平貿易活動，自公開同性戀身份後，坦言釋放和輕鬆了不少，但不斷被媒體追蹤更被拍到與一名男子用膳，對此他無奈的說：「煲水新聞，希望可以停止。依家得助手敢同我一齊，連女仔朋友都怕咗我，影到唔知又會點寫。」
他坦言生活受到影響，又指身邊人被起底亦很無辜，他說：「職業、年紀都寫晒出嚟，爭啲連身份證號碼都寫咁滯，真係想譴責吓本周刊咁公開人哋私人資料，考慮使唔使去私隱專員公署投訴。」
林嘉欣讚成熟
黃耀明又指暫時會減少出街，寧願在家玩煮飯仔。問到被拍到的男子是否其「好友」吳海剛，即陽光衞視的電子雜誌副主編「柴子文」（小圖），他笑說：「答你都傻啦！」他表示自公開性取向後，獲得世界反恐懼同性戀組織邀請出席講座，現視乎檔期能否配合。黃耀明於活動後急急腳前往機場，見他於機場大韓航空櫃位辦理登機手續後，便於附近書店徘徊似在等人。其後明哥索性坐於一旁講電話，傾完一輪後他便匆匆入閘，相信此韓國之旅，與明哥同行的定必少不了其同性密友。
同場，林嘉欣表示當日知黃耀明公開身份後亦為他歡呼，他說：「佢知自己做緊咩，佢處理得好成熟。」另外，她表示女兒十八個月大，今年母親節相信丈夫會為她帶來驚喜，她說：「個女好聽話，日日都係母親節咁。」
文：影視組