諸葛撞車嚇壞化妝師
諸葛紫岐前日在微博透露外出工作途中遇上撞車事件，前晚她出席活動時講述當時情況：「有架貨車喺度落緊貨，我架車經過時，架貨車後面嘅車門突然打開，撞咗落我架車度，嗰下好大聲，嚇到坐我車嘅化妝師好驚，我就冇嚇親。我架車畀架貨車門撞凹咗同刮花咗，花得都幾嚴重，要整幾日。我報咗警，原來嗰度係唔可以泊車同落貨。（有冇打畀老公報平安？）冇，OK啦！」
諸葛表示原本前晚去看Lady GaGa演唱會，但因要做慈善活動而去不到，還笑言希望老公再撲飛。而母親節她將會分別陪母親和奶奶吃飯，以及送同等分量的禮物給她們：「我對佢哋兩個都咁好，因為佢哋兩個都咁錫我。」婚後仍未度蜜月的她或會於六、七月與老公去度蜜月，地點則由老公安排，她說：「我諗佢會畀驚喜我。」