李彩華拖仔 睇GaGa醉high

最近專注在內地拍劇賺人仔的李彩華（Rain），與金融才俊男友潘啟翀（Derek）經常分隔兩地，但為了首次來港舉行演唱會的GaGa，她亦放下手頭工作，前日專程返港與男友前往欣賞。

李彩華受訪時滿臉通紅，相信睇騷時有飲酒。	李彩華開餐時講唔停，心情勁靚。	Derek主動幫女友拿戰利品，認真細心。

醫肚傾唔停

難得返港，Rain當然爭取時間與男友拍拖。兩人於開騷前到中環逛名店買母親節禮物，不一會已大有斬獲。之後兩人相約另一女友人到餐廳醫肚，席上三人傾個不停，Rain更傾到手舞足蹈，表現興奮。醫完肚，Derek主動埋單請客，女友人跟兩人道別先行離開。

離開餐廳，細心的Derek自動波為女友拿兩大袋戰利品，身穿背心及短褲的Rain只拿名貴手袋，之後步行往附近取車。Rain受訪時表示：「我專登返嚟睇GaGa演唱會，聽日（即昨日）就要返大陸拍劇，拍到六月先返嚟。」之後Derek駕駛其過百萬元名貴跑車送女友離開。

散場翹到實

至晚上，Rain戴上黑色喱士面紗、兔仔耳、黑衫兼黑色喱士裙，與男友Derek前往亞洲博覽館欣賞GaGa演唱會。散場時，Rain、Derek及友人劉晨芝步出，未知Rain是否於場內飲了酒，翹實男友手臂的她滿臉通紅。Rain說：「好好睇呀，好熱鬧，當唱到熟悉歌曲嗰時全場好high。（GaGa講咩？）都係講I Love HK嗰啲囉！（粗口呢？）少少啦！」

文、攝：追蹤組