鋒芝合體撐Lucas學校獻唱
已宣布離婚的謝霆鋒和張栢芝，昨日帶同細仔Quintus，一同赴大仔Lucas家長日，一家四口齊齊整整地亮相，為有份表演的Lucas打氣，霆鋒和栢芝一人手抱一名兒子離開，被拍下離婚後的首張「全家福」照。
霆鋒和栢芝去年因機艙事件導致婚變，原本幸福的四口之家因而破碎，但由於心繫兩名寶貝仔Lucas和Quintus，霆鋒和栢芝近來愈行愈近，先有栢芝搬近霆鋒，再有霆鋒經常登門為兩名兒子煮早餐，外間一直流傳兩人復合有望。雖然近來傳出楊冪情傾霆鋒，不惜半夜示愛，但霆鋒和栢芝未受傳言影響，不時相約見面。
揸住相機滿場飛
昨日是大仔Lucas學校家長日，霆鋒中午12時許已出動去栢芝寓所，接埋栢芝和兩名兒子，一家四口溫馨地直赴Lucas就讀位於香港仔的國際學校，有份在家長日表演的Lucas，有爸爸、媽媽和細佬打氣，由離開家門開始，全程勁興奮。
下午1時抵達學校，Lucas被安排和其他表演的學生齊齊等上台，霆鋒此時已按捺不住，拿住手提電話不停影，未幾霆鋒更突然離開表演場地，逕自走向在外等候的記者群，直言：「可唔可以借部相機畀我？我想影個仔表演，我本來想用iPhone影，不過太遠啦！」借得部專業相機，霆鋒興奮地走入學校，終於可以記錄乖仔表演的全部過程。
Lucas遺傳了父母的表演天分，向來都喜歡唱歌跳舞，據知他今次被選中表演完全是因為平日在表演方面比起同班同學明顯突出。Lucas表演期間，栢芝手抱Quintus坐在觀眾席，不停教細佬拍手為哥哥打氣，至於霆鋒則拿着相機滿場飛，平時被人影慣的他，今次為阿仔擔任御用攝影師。據現場家長透露，Lucas歌喉相當不錯，亦沒有一點怯場，至於霆鋒和栢芝亦不時黐在一起，有傾有講。
一家四口齊返歸
家長日於下午2時半結束，霆鋒、栢芝及兩名兒子齊齊離開學校，霆鋒一馬當先笑容滿面地步出，先交還了記者的相機，再從傭人手上接過Lucas，與抱着Quintus的栢芝並肩走去保母車，被攝下離婚後首度一家四口的合照。
木無表情的栢芝，將Quintus抱上車後，再自己登車，至於霆鋒懷中的Lucas，可能剛表演完，情緒仍相當高漲，不時扭來扭去，表情多多，對記者鏡頭笑個不停。一家四口上車後齊齊返栢芝寓所，抵埗後霆鋒再細心地送了三母子上樓，享受完家庭樂的他隨即便離開。
文、攝：追蹤組