張穎沁想似徐子淇嫁得好

貌似Angelababy的模特兒Pamela（張穎沁）早前與Baby攝影師Mikocokiki合作，為日本飾物店拍攝宣傳照，並齊齊出席活動，分享變身潮爆日本妹的心得。對於獲讚似Baby，Pamela表示高興，但笑言最近竟有人指她似「千億新抱」徐子淇，她說：「笑嗰陣就面形最似，而且都係中間分界，我都想似佢嫁得咁好！」22歲的Pamela自認是貪靚一族，直言每次出門口都要花兩小時：「化妝整頭加埋換衫要兩個鐘，所以唔好意思成日要朋友等我。（最鍾意咩打扮？）都係日本可愛風，我會睇書參考日模藤井Lena同佐佐木希點打扮。」