Ana R.臨出場被踩甩裙
名模Ana R.昨日為珠寶品牌擔任模特兒，臨出場時卻被其他model不慎踩甩裙尾，不過Ana表示蝦碌事件時常發生，更笑言戴着名貴首飾心情大好，絕不介意！
昨日殿堂級品牌Cartier（卡地亞）舉行最新高級珠寶傳媒午宴，品牌特別邀得名模Ana R.及姚書軼（Mikki）等擔任示範，其中Ana出場前發生事故，被後面的model踩甩了裙尾，要即場找裁縫補救，她說：「其實呢啲事成日都發生，我唔會怪個model，因為佢係新人，經驗唔夠，而且都即刻縫番，加上我心情好好，因為戴住啲咁靚嘅珠寶已經覺得飄飄然，好開心！」Ana又謂之前也試過類似事故，她續說：「我試過畀前面嘅model踩親腳趾，又試過喺台上面同其他model嘅裙一齊鈎住，不過呢啲都係得啖笑，當係一個經驗！」
Mikki唔急搵男友
而同場的Mikki也有目睹甩裙事件，她大讚裁縫師技術很好，迅速把裙子縫合，才沒影響進度。她又表示喜歡收藏珠寶，特別是古董首飾，因為有升值潛力；而她佩戴過最昂貴的珠寶價值三億元，她笑說：「三億可以買到好靚嘅獨立屋豪宅，真係好誇張！」甩拖已久的她自爆有追求者，閒時也會約會，不過就未認定是男女朋友關係，反正自己也不心急呢！
文：名人組