關楚耀狂煲鹹碟床戰苟芸慧
關楚耀（Kelvin）為了應付稍後與苟芸慧的激烈床戰，連日來狂煲三級片，偷師鑽研技巧，為激戰做足準備的他，已經牙刷、漱口水隨身，他會聽從前輩的提點大膽豁出去。
首次在電影《喜愛夜蒲2》擔正的Kelvin，戲中會跟女主角苟芸慧有激烈床戰，他坦言已做定功課：「我最近睇咗唔少三級床上動作電影，睇多啲希望投入啲，（同女友一齊睇？）自己睇，自己研究OK啦。」他承認都驚「鹹豬手」問題，所以他有向一些前輩請教，他說：「佢哋叫我唔好驚，否則拍出來生硬仲衰，要大膽豁出去。」
儲首期置業
雖然他本身與苟芸慧不認識，但經過開會、試造型、跟導演一齊去蒲見識，大家加深了認識，他說：「我哋有傾偈，我喺拍戲方面冇乜經驗，佢仲安慰我唔使驚。」據他所知導演會待兩人混熟後才拍那場激爆的床戰，他說：「我已經執定晒牙刷、漱口水等清潔口腔用品。」
除了電影，他亦將為王維基旗下免費電視台接拍劇集，他坦言雖然辛苦，但很開心工作排得密麻麻，他笑說：「唔好畀我抖，可以賺多啲錢。」他表示懂得珍惜每個機會，也不會亂花血汗錢，他希望儲到首期可以置業，他說：「除咗為將來結婚做準備，作為一個男人都想令屋企人安心。」
豬扒益老孫
此外，早前他邀老友孫耀威（老孫）亮相其為now主持的《關仁煮事》，他指老孫有「豬扒博士」稱號，因為老孫最愛吃豬扒，吃盡港九新界，連到外地也會無豬扒不歡，所以他特登炮製「鮮茄焗豬扒飯」給他品嘗，他坦言在圈中跟老孫特別投契，對方不時從旁提點他，做事堅持認真，這都值得他學習。
文：音樂組