文恩澄 杜浚斌十指緊扣遊街市

歌手文恩澄（Rannes）與新城DJ男友杜浚斌（Ben）拍拖五個月，愛得如膠似漆。日前兩人十指緊扣到灣仔街市買了兩大袋菜、一條魚及半百元鮮牛肉。Ben說：「夜晚約咗朋友嚟屋企打邊爐，所以出嚟買啲餸。不過我減緊肥，只食菜同幾塊牛肉，其他都係買畀Rannes同朋友食。」
杜浚斌與文恩澄商量買魚時表情多多。
杜浚斌與文恩澄商量買魚時表情多多。

問Rannes可曾為男友下廚？她透露曾炮製糖醋雞翼，但男友嫌雞翼有少少鹹，令她大感洩氣。Ben即安撫女友：「唔係彈你，我只係想你有進步空間，你上次整白酒芝士雞翼，我都有讚呀！」雖然Rannes口說討厭男友，但得知男友減肥要戒糖、鹽及油，早前特別學整無糖蛋白蛋糕，讓男友過足口癮。

文恩澄與杜浚斌拍拖買餸，非常恩愛。
  • 文恩澄與杜浚斌拍拖買餸，非常恩愛。