城城回味蜑家情 采妮曬黑扮聾
郭富城與楊采妮（Charlie）為新片齊齊獻出第一次，飾演夫妻的二人，化身蜑家仔及蜑家妹，Charlie更將一身白滑肌膚曬黑，被城城大讚犧牲大。
城城之前與Charlie合作無間，今次再與舊拍檔合演新片《浮城》，他雀躍地說：「同Charlie合作好值得回味，戲中我哋做夫妻，30歲演到60歲，又要講蜑家話，見到佢演技愈來愈進步、成熟、做足功課。為演好蜑家妹，佢特登曬黑自己，犧牲好大，我見到都嚇一跳，我好希望Charlie攞獎。（你都想再封影帝？）獎我唔強求，只係想做好本分，幫導演圓夢。」
揭城城心中日記
Charlie被城城面上貼金，亦不忘向對方回敬高帽。她說：「同城城合作每次感覺都唔同，佢份人好陽光，但陰沉嘅角色佢又處理得到。（佢讚你有機會得獎。）唔諗呢啲，當初知要演呢個角色，專登戴耳塞體驗聾人世界，原來與世隔絕好孤獨，但城城喺拍攝現場好玩得，帶好多歡樂畀大家。」
城城補充說：「到咗要認真嘅時候，我係會整理番我嘅情緒，將感覺帶入部戲度，Charlie今次可以話將我心中日記揭開咗。（揭埋愛情嗰頁？）你哋講乜話？我又聾咗呀！」
楊采妮 Hair：Domanic Tao（Orient 4） Makeup：Dephine Chan
郭富城 Hair：Ian Wong @ iiSalon Makeup：Hetty Kwong
文：影視組 攝：司徒國榮 場地：Zummer @ The East