Cammi扮女僕姣樣冧評判

o靚模Cammi雖然只得17歲，但已決定全身投入娛樂圈，更密密北上神州登台掘金，知名度持續上升。最近她獲內地電視台邀請參與跳舞比賽節目，除在有限時間內積極練舞外，她亦打算Cosplay取悅評判及觀眾。

日前Cammi到制服店選「戰衣」，當她見到各式各樣的制服包括空姐、女警及護士服時即雙眼放光，並不時放上身照鏡，但當她發現有超性感內衣擺放，即面紅紅不敢亂掂，十分搞笑！最後Cammi扑錘以最適合她年齡的女僕裝出戰，見她換上女僕裝後信心大增，喪擺煞食Kawaii甫士，單眼嘟嘴咬唇樣樣齊，又大騷香肩及長腿，猶如洋娃娃一樣，看來她以此裝扮起舞，絕對唔跳得都睇得，勢令一班宅男暈晒浪。

Cammi出「心」計冧評判。

Cammi細心地揀選舞蹈戰衣。

唔介意夜店演唱

首次亮相內地節目的Cammi直言心情緊張，並自嘲舞技麻麻，惟有在服裝上多花心思：「第一次跳Live，所以冇諗過贏，知道同場有好多高手，我當係去見識下。（點解揀女僕裝？）之前試過呢個扮相影相，但跳舞就冇試過，覺得幾襯我。」提到返內地登台「大小通殺」，即使在夜店演唱也不介意，她承認曾在混亂中被摸Pat抽水，但希望不會因此影響形象：「都只係做嘢，之後會即刻走，而且多數有屋企人陪住我。」

文：影視組　

攝：林蔚恩　

場地及服裝：Be With