蒙面郭政鴻拖老婆濕平

藝人郭政鴻最近成功將女兒與何家千金何超雲上契，即時父憑女貴，前日他撇甩囡囡與內地老婆到銅鑼灣行街，享受二人世界。兩人均戴帽、手翹手拍拖逛商場，郭政鴻更戴埋口罩，當見到有途人眼望望時，他隨即把口罩拉一拉，十足蒙面咁，擔心被人認出，兩公婆繼而再加快步速，全程齋睇冇買，其後雙雙進入附近一間酒店。