Nicola爆GaGa未紅前借衫難

GaGa形象指導Nicola Formichetti昨與記者面對面受訪，毫無架子，大賣親民。他透露三年前因一次造型照而認識GaGa，至此結下不解緣：「當時佢未紅，喺他人眼中佢嘅化妝同髮型都好奇怪，所以當初同佢向名牌借衫好難，佢哋一聽到話借畀GaGa，就『依……呢個女仔，唔借！』」他又讚GaGa是個很有信念的人：「佢唔介意人點睇佢，相信有日會紅，結果佢成功啦。」他表示與GaGa很有默契，問GaGa可曾向他say no？他說：「從來冇！佢好信任我，我哋係同一類人：對時裝狂熱，亦大膽創新，諗得到嘅造型都會試。」問到GaGa在演唱會自爆買A貨而遭海關上門查問一事，他表示全不知情，還向記者仔細詢問詳情，之後他說：「佢係一個好funny嘅人，經常開玩笑，我認佢只想have fun！」