GaGa為變港女褻瀆區旗

GaGa來港開騷招式日日新，昨日犯下「褻瀆區旗」之外，前日首場又在後台請本地藝人食閉門羹。前晚GaGa穿上超激的性感內衣褲，坐在一輛插了香港區旗的電單車上，與舞蹈員互磨極盡意淫。昨晚她就索性將區旗鈎在底褲邊，更問fans她是否似「港女」。此行為有否褻瀆區旗？黃國桐律師稱此舉大有問題，犯下「褻瀆區旗」。黃律師指：「區旗喺香港法律上唔單止唔可以撕毀，亦要尊敬。佢着成咁，然後將區旗綁喺腰度，仲要跳舞，加埋咁嘅動作好有問題，對區旗好不敬，犯咗『褻瀆區旗』。雖然大家文化唔同，但香港係中國人社會，要尊重我哋嘅文化，區旗係要尊重。」

演出欠佳大發脾氣

前晚陳奕迅一家三口、劉嘉玲、林青霞、鍾鎮濤、謝婷婷、薛芷倫、張智霖夫婦等專程往欣賞GaGa騷，演唱會結束後，有部分藝人包括婷婷在內聞風而至湧入後台，希望一睹GaGa廬山真面目合照留念，將後台通道幾近逼爆。但據知一向親民友善的GaGa因不滿演出未如理想，心情欠佳，發自己脾氣匿埋休息室不肯露面，致一眾藝人合照落空，反而林青霞的夫婿邢李火原與前妻張天愛所生的女兒邢嘉倩卻成功與GaGa在後台合照。

放大圖片	GaGa騎馬出場，獲大部分捧場歌迷大讚難忘又驚喜。	陳奕迅與妻女在眾人簇擁下向前走，最後卻無緣跟GaGa合照。

地頭蟲入唔到後台

除了婷婷慘食閉門羹外，Eason與徐濠縈帶同女兒陳康堤一家三口，乘保母車似有特權駛入職員通道轉入後台，滿以為Eason會與GaGa一聚，原來是一場美麗誤會。昨日身在鄭州的Eason透露往場館時，他正在車上睡覺，不知道司機將座駕駛到後台停車場，他說：「我係地頭蟲，但都入唔到GaGa個後台，不過因為想去洗手間，保安同主辦單位好慷慨，搵職員帶我入去後台洗手間方便。之後就從後台走回台前。」他大讚GaGa唱得、跳得兼且造型多。對於帶同女兒睇騷，他說：「阿女都冇問三級嘢，只係問係咪真豬肉嚟，我話冇血淋淋，應該係道具。」

邢嘉倩有幸與GaGa合照。	前晚GaGa舉行完第一場個唱之後，與fans舉行after party。	GaGa魅力沒法擋，大美人林青霞（右三）及薛芷倫（右二）也捧場。

昨日謝婷婷擔任佳士得預展的模特兒，她直認食閉門羹真有其事，她說：「係有入後台，不過好多人，好多好後生女仔都好瘋狂，根本見唔到面。」她大讚演唱會很好看，又有水準兼敢言，可謂值回票價，她說：「佢好做番自己，說話冇傷害性，仲叫大家唔好誤會，佢唔係唔尊重人哋文化。」

謝婷婷	幸運港迷在後台與GaGa整古整怪合照，並獲贈飾物（圖）。

她又表示或會再與媽媽捧場，卻擔心媽媽沒有精力：「啲音樂太勁，而且企得耐會累，大家唔好誤會，好似又寫到我爹哋唔舒服咁！（同哥哥霆鋒去睇？）都想，但佢依家忙緊自己演唱會勤練結他。

另外，亞博前晚破天荒舉行一個派對讓GaGa fans玩樂，不少fans打扮成GaGa造型上台跳舞；而雖然GaGa因表現失準而拒與眾星合照，但她仍守承諾跟一位fans合照，還替對方戴上骷髏鏈墜，該fans興奮得立即上載上網。

文：名人組