傅嘉莉挑戰難度 玉女變打女
模特兒傅嘉莉（Kelly）早前為汽車品牌前往上海拍攝平面及電視廣告，並由西班牙著名導演Daniel Benmayor操刀。由於廣告講述她與男主角逃亡，向來弱質纖纖的她要向高難度挑戰，她說：「有幕講我爬山，為營造好吃力嘅感覺，只用一條威吔，拍落先知真係好痛，有幾次痛到我要叫停；而另一幕我要企上離地十幾呎高嘅道具船，因為我冇支撐，加上隻船不停搖晃，我跌低好多次，雙腳同手(月爭)都瘀晒。」
Kelly的認真態度令導演對她讚不絕口，更表示如果開戲，會預埋Kelly，而她坦言最開心是可以突破自己：「拍完有好大滿足感，興奮咗成個月。原來我唔係只可以做玉女、乖乖女，仲可以試吓動作武打，發現自己都幾有打女天分。」