林忠豪 孖翻版馨予報警

不過大前晚林忠豪又換畫，於晚上約十二時，在一名貌似張馨予的長髮女伴陪同下，前往跑馬地警署，二人大約逗留了一小時便前後腳離開。

林忠豪的新女伴外形似足張馨予。	張馨予	劉思希日前與林忠豪一起於中環夜蒲。

翻版張馨予步出警署後便往取車，相隔十分鐘後，林忠豪手持一張疑是報案紙的物體離開，前往會合女伴。上車後二人於車廂內密斟了一輪，女伴才驅車接載他走人。

劉思希指無安全感

事後本報聯絡上林忠豪，他表示︰「之前我由新加坡飛返香港，喺飛機上唔見咗部iPad。當時趕住去做嘢冇報警，不過都預咗搵唔番，iPad裏面冇咩重要嘢，亦都冇親熱相。」提到新女伴翻版張馨予，他說︰「普通朋友嚟，佢唔係做呢行，咁我搵個人幫我睇車啫。」

至於提到與劉思希夜蒲，他說︰「嗰次有朋友生日撞到佢，係好普通好普通嘅朋友。」

而劉思希亦表示認識林忠豪約一年，問到二人是否拍拖？她說︰「唔係，（發展中？）唔知呢，佢係好男仔，對個個女仔都好，但唔夠安全感。」提到有人目睹男方陪她往名店揀衫，她解釋說︰「我哋有一、兩次齊齊去買衫，（佢送畀你？）我唔係咁容易接受人禮物嘅。」

文、攝：追蹤組