黃貫中禁大肚朱茵撐場

Paul自宣布女友朱茵大肚後，努力接job搵銀養妻活兒，前晚他率其樂隊Postman為汽車品牌揭幕派對擔任表演嘉賓，平日朱茵逢Paul騷必到，前晚卻沒現身撐場，Paul一副大男人口脗說：「依家唔畀佢嚟，因為好多人驚照顧唔到，怕睇佢唔住，佢亦唔敢問，知我唔畀。」Postman謂會拍片給朱茵欣賞，問是否胎教？Paul笑說：「平時喺屋企都日轟夜轟。」

黃貫中將為人父，前晚為派對表演搵真銀，要朱茵乖乖留家安胎。（資料圖片）	Paul（左二）率領樂隊Postman擔任表演嘉賓。	Rainbow為新一輯寫真全裸上陣。

為ＢＢ添置七人車

現場一白色新車以Paul手臂的紋身圖案做裝飾，大會可有送車？Paul說：「冇吖，要車唔難，但搵位泊好煩，我有三架車，亦為ＢＢ預備了一部七人車。」前晚的派對在戶外舉行，Postman投訴下午綵排時，突然有人拔掉插蘇，他們勞氣地說：「啲架生幾十萬，有損失邊個賠？太唔尊重表演者，要搬去阿努瓦圖。」Paul亦戲言移民去澳門。

Rainbow再影寫真

同場有o靚模Rainbow、李璨琛等，Rainbow一貫以低胸裙騷事業線，稍後她會跟冬甩去東京江之島影寫真，對於模媽Mia揚言會全裸上陣，Rainbow不甘示弱說已開始節食及飲豆漿谷上圍：「我同Ar Yu可能會全裸，但三點不露，仲會着乾濕褸坐摩天輪，喺上面除剩比堅尼，我哋有四個成員抵睇啲，又喺日本取景好揼本！」

文：音樂組