城城唔吼心悠 向Lynn派定心丸

郭富城、劉心悠、鮑起靜、導演嚴浩等昨日齊集西貢某碼頭為新片《浮城》舉行記招，為配合故事內容，眾人走到船上拍照。於片中分別與楊采妮及心悠有感情線的城城，笑言今次既要學水上話又要講英文，由於角色從20歲演到60歲，故要應付老妝扮相，認真大挑戰！

城城在新片中要學講「水上話」。	導演嚴浩（左起）與心悠、鮑起靜、城城及鄭家星落艇宣傳新片。	熊黛林大可放心城城唔會移情別戀。（資料圖片）

着衫拍床戲

談到首度與心悠合作，城城大讚對方靚女：「佢係公認咗嘅女神。（心動？）戲入面見到佢出現，都會大開眼界，亦會有少少漣漪。（係咪冇咩親熱戲？）攬住已經好親熱，佢倚偎我胸膛架！同采妮就有着住衫嘅床戲。」

問到現實生活中可有對心悠心動過，城城笑指會專注工作，不會有漣漪湧現。那又是否專一？城城謂：「專一工作，感情有衝擊啦！總之男人有機會就會成家立室，不過冇咁快，50歲啦！」雖然Lynn做郭太無期，不過城城的一番話，卻猶如定心丸，唔怕被人撬牆腳。

愛情似煲湯

而心悠則透露片中主動向城城示愛，但現實中卻未有如此勇氣，她謂：「人哋同我表白都驚，覺得示愛好too much，我本身好傳統，鍾意自然，以前都係做咗朋友好多年先拍拖，我覺得愛情就好似煲湯咁囉！」

文：影視組