祖藍亂着單車裝備

王祖藍與金牌單車手黃金寶昨日出席單車安全活動。頭戴安全頭盔、穿窄身單車褲的祖藍將Tee塞入單車褲內，重要部位顯得激凸，黃金寶不禁教祖藍：「正統單車服裝備，係將Tee放出。」祖藍其後自辯說：「我唔係特登將Tee攝入單車褲，激凸都係錯覺，係單車褲內有安全膽。我諗我連成套單車裝備都唔識着，多得阿寶提點。」祖藍自爆與李亞男經常到西貢郊外踩單車，為免被人認得，要戴頭盔及眼鏡掩人耳目。