周秀娜放任男友偷食

周秀娜（Chrissie）以小背心及短褲，攜同師妹Annie G.及Hailey C.為手錶品牌拍宣傳照，Chrissie表示對酬勞滿意，又指原來今次已是第二次與品牌合作，之前是設計內衣，並隨即為自己的內衣品牌宣傳：「參與設計好開心，可以過癮，酬勞又好。我推出嘅內衣系列銷量好好，會添食，希望多啲參與設計工作，當生意咁做，都想有自己舖頭。」不過她拒設計男裝內衣：「自己貼身用過先會有靈感，（同男友Avis合作？）呢排好忙，無見。我之前喺三亞拍戲，今次返嚟三日都冇見過，（係咪感情轉淡？）唔係，我哋有聯絡，佢第一次拍電影，想佢專心啲。」

提到早前Avis揚言要用她的攬枕來試體位拍戲，她笑言：「佢呢排有對手，我就慘啦，好忙！但我唔會搵男友當攬枕試戲。（咁佢咪唔dry？）唔係，佢一向都dry，近期天氣乾燥呀。」

Hailey C.（左起）、Chrissie和Annie G.齊露長腿出席活動。	Avis與Mia早前被本報拍得單獨約會「對劇本」。	Chrissie坐下時幾乎春光乍洩。

欲看「情敵」裸體

由於Avis在新片中將與o靚模Mia有「一夜情」床戲，Chrissie被問到會否擔心男友假戲真做時一臉自信地說：「唔驚，佢依家都係齋坐，（one night）stand先算。（知唔知Mia全裸拍寫真？）Mia應該會送本畀Avis，到時叫男友送畀我睇。」她又透露今年沒時間拍寫真，並非不想跟新一代o靚模爭寵，而是想專心拍戲。至於Avis前緋聞女友傅穎傳有新戀情，Chrissie稱若是事實會恭喜對方。

採訪：名人組