李詩韻扯火︰一世都冇可能

昨日有報道指無綫女藝人李詩韻介入莊思敏胞妹莊思華（Mona）與告東尼之子告崇恩（Sean）的戀情，令二人分手。李詩韻昨日接受電話訪問時，語氣激動︰「黐線，擺到明係作，我同Mona、Sean係朋友，我同Sean冇可能，一世都冇可能，我唔會同朋友嘅男友或前男友一齊。」她解釋當日有朋友聚會，Sean先駕車接她，再去接其他朋友，因而被拍到她與Sean同車。對於報道指她專釣富二代，她反駁：「我識朋友唔會問人有冇錢，我前男友都係冇家底，如果我貪錢之前就唔會同Patrick（鄧健泓）拍拖五年。」
李詩韻激動回應介入莊思華與告崇恩戀情的傳聞，表示事件屬炒作。（資料圖片）
李詩韻激動回應介入莊思華與告崇恩戀情的傳聞，表示事件屬炒作。（資料圖片）

至於Mona身在外地，她透過短訊代Sean及李詩韻澄清：「成件事只係誤會，佢同Sean只係普通朋友。Selena（李詩韻）係我好朋友，我哋友誼從來無問題，見到Selena畀人咁樣講，我也不好意思。」

莊思華與告崇恩拍拖時經常被拍到結伴夜蒲。
  • 莊思華與告崇恩拍拖時經常被拍到結伴夜蒲。