陳嘉桓笑容過甜趕客
陳嘉桓（Rose）出席公開活動示範防狼絕招，「狼吻」事件因此再被重提，她表示不想個人情緒影響工作，但坦承如今出街多數由弟弟相伴，似乎陷入社交恐懼症，另她指可能因笑容甜得滯，嚇暈身邊嘅人，所以依家冇人追。
Rose昨偕同莊思敏及「盛女」Bonnie出席野戰（War Game）遊戲介紹活動，期間大會安排一猛男「胸襲熊抱」Rose，想不到靚女兩三招便「征服」對方。事後她接受訪問坦承一早已知大會有此安排：「始終發生過啲嘢……但唔想情緒影響到工作，最緊要配合到，因為今日介紹隻game嘛。其實依家喺香港出街，我多數都由細佬陪。」談到首次與Bonnie會面，Rose大讚對方勇氣可嘉，談到自身感情問題時，Rose則自信謂：「我呢個年齡做盛女，啲朋友都由得我。（冇人追？）冇喎，可能我笑容甜得滯，嚇到身邊啲人暈晒啦。」
莊思敏於今日牛一，打算相約一班姐妹外出耍樂，談到兩位妹妹的感情事，她則表示：「思明要拍劇，佢心情好番啲嘞，至於思華嘅嘢，我唔係咁清楚，唔方便回應。」
Bonnie進軍娛樂圈
同場的Bonnie表示嘗試進軍娛樂圈，暫以主持電台節目為主，由於無天生靚聲，故不打算當歌手。當被問到參加節目旨在為自己鋪路入行，她即連聲否認。談到好姐妹Mandy前晚於節目內哭成淚人，Bonnie謂：「負面報道令佢承受太大壓力。（佢返咗香港未？）呢樣唔清楚。」
文﹕影視組