殺入尖東夜總會 林峯掃場引爆撞車
無綫藝人林峯、官恩娜等昨日凌晨在尖東夜總會門外為無綫新劇開工，拍攝「掃場」戲份，引來不少夜遊人圍觀，其中更有兩大貨櫃車因睇拍戲而發生輕微碰撞，幸有驚無險！
林峯、官恩娜（Ella）、苗僑偉、黃智賢、張嘉兒昨日凌晨為無綫劇《雷霆掃毒》在尖東開工，眾人均飾演警務人員，並於夜總會門外拍攝掃毒行動，拍攝期間，引來不少夜遊人圍觀，更有兩大貨櫃車輕微碰撞，幸無人受傷。
忙趕劇冇得抖
原計劃於6月出碟的林峯，連唱片封套也拍了，卻因要趕劇延期，他說：「我前日趕趕吓劇，又要返內地剪綵，跟住又返嚟續拍，幾乎冇瞓過，連聲都沙埋，想錄歌都難，完全冇狀態！」雖然忙拍劇，但林峯也為保持身形及狀態，每日都會抽時間去做運動。
《雷》劇拍攝程度已接近尾聲，林峯表示拍劇對他來說沒有難度，反而最難的是要同時間鬥快，除了拍劇和錄歌，更要度期完成之前接下的廣告，以免得失客戶，可謂忙得不可開交。
Ella被巨蚊叮
同場的Ella則認為拍劇最辛苦的，是要身處一些很髒的戶外場地，早前劇組在一個垃圾池取景，她慘被蚊叮到周身紅腫：「我誇張講句，啲蚊好似燒鴨咁大，一日用晒一支蚊怕水！」至於苗僑偉坦言最怕是在大熱天時拍劇，他說：「最近算好啦，唔太熱，我最想6、7月歇暑，還吓啲廣告債。」而首次扮演警務人員的張嘉兒，發覺這行危險性太高，還是去選美好。
文：影視組