諸葛讚老公夠Man唔會易服
名模諸葛紫岐（Marie）前晚身穿低胸露背裝出席活動，被指瘦削了，問是否搏命造人？她尷尬說：「可能天口熱，咁私人唔識答，（努力中？）順其自然，生B講福分，唔好有壓力。（夜夜不設防？）老公好忙，而老爺、奶奶都冇催。」Marie表示做足防走光措施：「出門前都有畀主席（老公薛嘉麟）望吓，係愛嘅表現，佢覺得靚就OK。」對於老公公司旗下歌手關心妍助手被指易服與許廷鏗傳緋聞，她力撐沒問題：「易服OK，好多男仔都會咁，Party都會咁唔介意，（主席呢？）佢太Man，男人中嘅男人，佢唔會。」
同場的皮草太子王大業，對前女友賭王千金何超雲的打扮常被網友批評，指對方衣着冇問題，對有人話超雲肥？他力撐：「太瘦又唔好睇，依家啱啱好。（你鍾意女仔有肉地？）唔關事，要睇個女仔襯唔襯，自己擇偶條件最重要係有Feel，（怕做『剩男』？）唔覺得我會係剩男，呢啲講緣分。」
