肩．索
時裝字典裏，Off-shoulder解作露肩設計，今期一眾女星毫不吝嗇，齊齊大騷香肩，星級形象指導郭慶彬（Ricky）點評徐子珊與高海寧均自暴其短，露出一雙麒麟臂相當嚇人。至於向來衣着備受劣評的陳妍希終爭回一口氣，造型勝在夠清麗脫俗，而鞏俐從優美身段中發放巨星光芒！
陳妍希
有少少肉地着得幾好睇，雖然佢個髮型令佢少女味大減，但呢隻顏色好match佢清麗氣質。
高海寧
紅色連身褲好搶眼，但剪裁就唔掂，着到佢好大隻，望落去手粗、腳粗兼A字膊。
汪圓圓
成條伴娘裙咁，好娘，不過騷到佢膊形尚算ＯＫ！
鞏俐
彩藍色裙突出到佢白滑肌膚，又騷到S形身段，簡單配上耳環，足以盡顯巨星光芒，艷壓全場！
徐淑敏
紫色tube dress剪裁簡單，騷到佢葫蘆身形，最重要配合簡單髮型，成個感覺更加順眼。
趙哲妤
傘裙本來有種girly感覺，可惜佢太過風騷去演繹，而且佢焦點放喺胸位，太賣弄，錯哂！
徐子珊
完全着到佢無胸兼無線條，麒麟臂盡現！肩位線條好橫，髮型鬆散，造型古怪冇美感！
林莉
條裙太成熟，有阿太feel，而且佢過瘦，手臂過幼、鎖骨過凸，太骨感反而唔好睇。
提提你：
穿off-shoulder設計，無論裙或jumpsuit，最忌乃粗手臂同無鎖骨位，問題再難都有解決方法，Ricky就提醒你：「頭髮可以放落嚟，髮型鬆鬆哋有啲凌亂美，令肩位若隱若現，仲誘人！」
郭慶彬Profile
星級形象指導郭慶彬（Ricky Kwok）常為一眾女星裝身扮靚，如李冰冰、張惠妹與徐若瑄 。他有自我一套的審美標準，眼光獨到，曾到巴黎時裝周及高級女裝訂造服睇騷，包括Chanel、Valentino等。