歌手吳若希（Jinny）食量驚人，與男子不遑多讓，難怪被封「大胃妹」。她坦言很喜歡打邊爐，至愛「鴛鴦鍋」，因可以品嘗兩種不同的味道。
Jinny透露每次打邊爐都必叫牛肉，問是否無「牛」不歡？她說：「唔可以咁講，不過打邊爐冇可能冇牛肉。」她更封牛肉、牛肉丸及牛肉粒為「邊爐三寶」：「呢三寶係打邊爐必食嘅嘢，試過同一個女友人去食，真係食得晒，連個侍應都嚇一跳。」她又推介芝士牛肉丸，大讚「好味到震」，她謂：「好鍾意個口感，咬到一半，啲芝士就會『咇』出嚟。」
平日最愛捐窿捐罅搵食的Jinny說：「好鍾意睇飲食書，又會上網睇吓間食店嘅評論，只要有好嘢食，幾遠都會去。（唔怕迷路？）唔怕，出發前會上網查清楚路線。」