暴瘦藍潔瑛變開籠雀
昨日是藍潔瑛四十九歲生日，日前她相約楊曼莉等友人在赤柱行街兼開餐，藍潔瑛全程滔滔不絕講個不停，身形明顯消瘦，說話時雙頰一度凹陷。好友楊曼莉指由於藍潔瑛近期胃口不佳，暴瘦三十磅，但不減靚靚心情。
當年靚絕五台山，與譚玉瑛姐姐同樣是兒童節目主持「起家」的藍潔瑛，昨日四十九歲生日。雖然藍潔瑛近年屢傳精神異常，不過日前記者碰見她與楊曼莉及三名女性友人在赤柱開餐兼行街，精神狀態明顯不俗！
雙頰凹陷精神唔錯
現場所見，藍潔瑛比之前消瘦不少，說話時雙頰一度凹陷，我見猶憐。縱然當日天氣炎熱，但由於近日乍暖還寒，藍潔瑛還是醒目地穿上外套。未知是否生日將至，心情大靚的藍潔瑛全程「一味掛住講」，無論在餐廳或是街上，她都對着楊曼莉滔滔不絕地講個不停，說話時還肉緊地手舞足蹈，兼且中氣十足。雖然近年甚少公開露面，但藍潔瑛明顯未有脫節，吃飯時還打開報紙與友人研究時事，精神狀態大勇。
冇胃口進食瘦30磅
記者昨日致電楊曼莉慰問藍潔瑛近況，她直認藍潔瑛消瘦不少，體重暴跌足足三十磅，難怪瘦至雙頰凹陷，楊曼莉說：「最近藍潔瑛成日覺得冇胃口，唔想食固體食物，平時都係靠稀飯醫肚。」雖然如此，楊曼莉表示藍潔瑛心情不錯，昨日楊致電她說生日快樂時，還相約楊晚上於金鐘碰面，楊曼莉說：「佢叫我送個玻璃樽畀佢做生日禮物，咪約咗十點半喺金鐘等咯。我有嘢做，陪唔到佢食晚飯，惟有食消夜。」
文：影視組