錢嘉樂食豆腐捽盛女玉手

「盛女」Bonnie、人生導師Winnie及DJ林曉峰（阿Lo）前晚主持電台節目，邀得被網民指跟Bonnie餅印樣的嘉樂任嘉賓。當嘉樂首度和Bonnie相認時，連讚兩次說：「（Bonnie）靚我好多。」又戲言跟她是失散了十八年的兄妹，阿Lo隨即叫嘉樂戴長假髮，令他變得更似Bonnie。

最似鼻孔

嘉樂與Bonnie翹手及貼頭合照時，被問覺得與妹妹哪部分最似？嘉樂說：「最似鼻哥窿囉！」隨即叫妹妹齊抬高頭騷大鼻孔。他又拖阿Lo落水：「阿妹咁慘冇人要，唔怕，阿哥幫你出頭，阿Lo搵二奶呀，你傾掂康子妮（阿Lo太太）就得！」並狂捽Bonnie玉手讚：「好滑，食人豆腐勝過七級浮屠。」嘉樂笑言要視乎「啱傾」程度才決定與Bonnie上契，但他不會為對方介紹筍盤，皆因很多人P:會幫她。

林曉峰叫錢嘉樂戴假髮扮女人，引得眾人笑不停。

Winnie（右）與Bonnie否認《盛女》做「媒」。

提到Santino舊拍檔Norris爆《盛女愛作戰》中，和Bonnie約會的男人是「媒」時，Bonnie強調雙方事前不認識，亦沒利益關係。對於堪輿學家李居明批五位「盛女」因牙齒不齊而嫁不出，她自稱對相學沒有研究。

明年結婚

另外，嘉樂昨日接受查小欣訪問大讚湯盈盈體貼，更開下結婚期票，預計明年在外地的小島低調娶女友。

文：音樂組