朱紫嬈疑撞鬼要淨身

歌手朱紫嬈（Chloe）及王梓軒日前出席校園活動，剛拍完鬼片的Chloe透露遇上怪事，她說：「拍拍吓泰國師傅將一條遮過幾百年屍體嘅絲巾圍住我對眼，之後開始感到唔舒服，喉嚨畀火燒咁，眼皮同手不停咁震。」她猶有餘悸說：「嚇到我即刻叫救命，連師傅都叫停機唔好拍喇，仲幫我淨身。（鬼上身？）只係Feel到有啲嘢。」Chloe表示經過此經歷不敢再拍鬼片，問到有否通知父母？Chloe說：「想死咩？唔敢同佢哋講。」而王梓軒表示為了8月的演唱會近日積極學拳及健身，他說：「唔知係咪着窄身衫褲，有歌迷話我大隻咗。（讚你巨鵰？）唔係！冇。」