林奕匡嘗法國餐：又貴又普通
創作歌手林奕匡（Phil）早前與女朋友飛到法國巴黎展開浪漫之旅，二人更於巴黎鐵塔下共享醉人景色，Phil表示：「巴黎鐵塔每小時都會有燈光匯演，真係好靚好浪漫！」人在巴黎當然要享受傳統法國餐，不過Phil卻投訴：「我哋去咗一間好出名嘅餐廳食私房菜，嗰度一支汽水都賣六、七十蚊港幣，但我覺得食物嘅味道只係好普通，而且太多食客、太熱鬧，搞到一啲都唔浪漫！」
除了食法國餐之外，Phil與女友亦循例到羅浮宮一遊，他笑言：「我哋去咗羅浮宮睇名畫《蒙娜麗莎》，嗰度有成百幾人圍住幅畫，我想行近啲睇清楚都唔得！」之後Phil又到聖心教堂參觀，並表示此處又靚又莊嚴。