楊秀惠甩拖睇相醫迷惘

自言向來並不迷信的楊秀惠甩拖期間卻一反常態，既去睇相，更不停用手機塔羅牌Apps占卜，可是心情卻每況愈下，她說：「當時心情唔好，所以就成日用手機塔羅牌apps嚟占卜，得出嚟嘅結果好嘅當然會開心啲，但係唔好心情就更加差，後來都係搵朋友傾訴，加上開工拍劇，依家已經好番晒。」

避免同朋友爭仔

楊秀惠在劇集《當旺爸爸》戀上戇男蕭正楠，但戲中與好姊妹鍾嘉欣又因馬浚偉而起波瀾，問到楊秀惠現實中可有與老友「爭仔」﹖她說：「咁又未試過，可能大家嘅口味唔同，將來亦會避免呢啲情況發生，愛情同友情都好重要，呢啲問題處理得唔好，可能連朋友都冇得做。」

楊秀惠與男友Ray分手後變得迷惘，更試過去睇相。	楊秀惠隨年齡長大，現在懂得欣賞戇男的可愛。	楊秀惠於劇集中愛上戇男蕭正楠。

楊秀惠在戲中碰上絕種戇男，她不諱言以往不懂欣賞，隨着人生閱歷增長，現在也不會落閘抗拒，她說：「以前年紀細覺得呢類戇男唔啱自己，但係依家會識得欣賞佢哋唔蠱惑，唔使擔心咁多，可以慢慢由朋友做起，但係如果真係有呢類男仔，反而擔心佢畀人呃，需要好好保護佢。」

採訪：影視組

鞋：DYOS Avenues