祥嫂細說祥哥風流事
「新馬師曾」鄧永祥第四任太太洪金梅（祥嫂）日前接受好友汪曼玲專訪時大談祥哥的風流往事，她曾撞破祥哥約女仔睇戲。
在祥哥的四位妻子中，祥嫂跟祥哥相處時間最長而感自豪，她自認霸道：「之前佢幾位太太冇一個跟佢多過六年，我霸道係因為緊張佢事業，我想幫到祥哥，希望佢賞識我。」
祥嫂笑說祥哥風流事多不勝數：「佢曾經約女仔去睇戲同飲咖啡都被我捉到正，祥哥叫我有事返屋企先講，於是我坐喺佢哋中間睇完套戲，唔畀佢哋走，折磨吓佢哋。」自此以後祥哥只敢約女仔去喝咖啡。不過祥哥雖過世十多年，但祥嫂提起他時仍難掩悲傷。