Mark入鄉隨俗 最愛燒味
剛與女歌手鄭欣宜分手的Mark Ryan，不只是馬拉松選手，還教英文教到上電視，平日又鍾意食燒味，乘機學廣東話叫餸食飯，入鄉隨俗愛上香港文化。
與鄭欣宜結束五年情的Mark Ryan，當年隻身來港教書，坦言當初打算留港兩年，沒想到一留便六年，來到香港更因此認識欣宜，他說：「我同佢係同一間大學畢業，仲要大家都係喺溫哥華長大，不過估唔到我哋喺香港先至識對方！」對於最近與欣宜分手一事，Mark再三表示：「我哋相處咁多年，一直都係好朋友，直至依家都仲有聯絡。」而單憑外貌亦估不到Mark是個幼稚園教師，他說：「我十五歲就開始教小朋友游水，直至大學畢業就做咗老師！」
廣東話點菜
Mark喜歡在屋企附近的燒味店食晏，簡單講一句「叉燒燒肉飯」，店員已經明白，他說：「成日嚟食飯，其他地方嘅人有時未必聽得明我啲中文，但呢度嘅人一聽就知！有時喺出面講『芥辣』，啲人仲以為我講緊英文添！」他亦因身為兩屆馬拉松冠軍而廣為人識，近年為了教書與在無綫兒童節目教英文，分身不暇，他表示：「比賽時我喜歡周圍嘅人係因為我嘅身份係馬拉松選手而認得我，而唔係因為其他嘢！輸贏已經不重要！」
文：專案組