陳日豐攬鄺敏慧硬晒

有「翻版周杰倫」之稱的歌手陳日豐即將推出新歌《為何》，請來模特兒鄺敏慧（中巴）擔任MV女主角，兩人在街上又拖又攬，儼如真的情侶，硬晒軚的日豐直言有觸電感覺：「中巴上鏡真係好靚女，我搵啱人！（緊張？）有呀！大家哄到咁埋喎！攬嗰陣心跳加速，對手唔敢亂放。」日豐表示將於暑假自資出EP，絕對是破釜沉舟：「全部都自己作曲，甄詠珊就幫我填《為何》呢首歌，講一對情侶冷淡到好似睇唔到對方咁，有幾句都勾起我嘅回憶架。」