鄭則士收楊桃吐烏氣
鄭則士（Ken）、陳錦鴻、朱慧敏和葉翠翠等昨日就無綫劇《盛世仁傑》有好收視出席祝捷會。《盛》劇雖被指是三年前「倉底貨」，更有傳劇集被《宮心計》抄橋更搶先播出。不過《盛》劇有捧場客，劇集於本周收視平均32點，最高更達36點近220多萬觀眾收看，無綫高層曾勵珍和監製梁材遠昨日特別到場，並以「楊桃」祝賀寓意吐氣揚眉、收視節節上升。
演員鄭則士於席上可謂「一吐烏氣」，他更聲言此劇非「倉底貨」，而身旁的珍姐更稱：「有實力嘅劇係經得起考驗，真金不怕洪爐火，我要糾正呢個唔係『倉底貨』而係存貨！」不過，鄭則士仍滿肚牢騷稱不明《盛》劇何解要這麼遲才播：「套劇畀某監製抄完拍埋套女版宮廷劇！咁算唔算係盜版、侵權？唔應該畀呢啲嘢發生！（向公司反映？）唔使反映，公司知，我哋小演員！」
陳錦鴻：好嘢一定畀人抄
就此再向珍姐了解，她說：「套劇淨係得我同監製睇過，Ken唔明我哋架構，我會同佢講番！」至於同劇演員陳錦鴻亦湊熱鬧談及《盛》劇被抄一事，他說：「好正常！好嘢一定會畀人抄，我都抄ken哥演技，電視圈咁先有進步，係好事！」
文：影視組