連詩雅街頭賣唱老外喪瞄

日前Shiga在尖沙咀行人隧道內作第一次街頭賣藝，演出前難免心情很緊張，她說：「賣唱睇戲睇得多，喺街都見過，覺得佢哋好大勇氣，輪到自己去試原來係好緊張，唔知多唔多人睇，街頭演唱同觀眾距離好近，感覺好得意，（有冇叫朋友捧場？）唔敢叫，怕佢哋喺度我仲緊張。」

粉絲伴奏

當晚由一位於彈結他比賽勝出的男粉絲為Shiga伴奏，她一口氣連唱三次新歌《到此為止》，吸引半百途人圍觀，亦有外籍人士舉機拍攝，唱罷大家即報以掌聲，但原來Shiga對自己的表現並不滿意：「本來第一、二次唱得幾好，但因為愈來愈多人埋嚟睇，搞到有啲怯場，覺得最後嗰次唱得唔係幾好！」

放大圖片	為Shiga伴奏的男粉絲結他功架一流。	Shiga的歌聲吸引，連老外都爭相拍低。

唱出戀事

Shiga繼《I'm still loving you》在網上衝破400萬點擊率，《到》亦已過100萬，教她喜極而泣，這首屬於她自己故事的歌是寫給前度的分手信，她笑說：「我諗佢唔知，因為已冇聯絡，每個人喺感情路上都有難忘嘅事，我將嗰個感覺勾出來。」

文：音樂組