與朱茵同屬未婚佗B 謝安琪：唔使同人交代

朱茵與黃貫中拍拖十四年傳出懷有身孕，前晚舉行的「第21屆香港舞台劇獎頒獎禮」中，有份角逐「最佳女主角（喜劇／鬧劇）」的朱茵因事缺席。

佗Ｂ朱茵獲全城祝福。（資料圖片）	陳法拉無懼發胖，大啖食乳酪雪糕。	陳茵媺提到婚前性行為，笑記者問得曳曳。

陳茵媺祝福

擔任頒獎嘉賓的謝安琪（Kay），已在微博恭喜朱茵有BB。對於未婚懷孕一事，Kay說：「我諗呢啲唔使公開討論，我覺得呢個係兩個相愛嘅美滿結局、結束愛情長跑係開心事！」身為基督徒的Kay當年也是未婚懷孕，她說：「我諗只係需要對自己同埋神有交代，至於對其他人使唔使交代係個人選擇，我衷心祝福佢哋。」對於朱茵早前曾斷言不會婚前性行為，Kay說：「我冇乜想講，冇乜意見。」

而無綫藝人陳茵媺昨日出席「LG Cinema 3D Smart TV 2012」活動，身為天主教徒的她亦恭喜朱茵，她是否接受婚前性行為？她尷尬的說：「我唔識答呢啲咁難答嘅問題。（有冇守教規？）我唔識答呀！（要告解？）哈哈，你哋好曳呀！」

法拉唔識答

另外，陳法拉昨日出席乳酪雪糕店開幕活動，自言未婚的法拉透露沒有宗教信仰，問及對婚前性行為的睇法，她尷尬的表示好難答，問到能否接受？她說：「係個人自由，每個人都有自己嘅自由。有啲國家會係違法，不過香港係自由社會。（即係接受？）我係保守地自由，總之正常健康的生活啦，我唔識答。」

文：影視組