任賢齊(目及)實新歡 掃貨心掛掛

任賢齊多年來也熱愛賽車，雖然小齊早年曾經因為賽車受重傷，更弄至腳骨爆裂，但他仍是愛車如命。縱使小齊於台灣老家已有多部跑車，但仍不時換車，對老婆及囡囡照顧有加的他，曾經特地購下了一部較寬敞的四驅車，方便妻女出入。

會合女友人

而近年小齊頻頻於香港工作，與老婆分隔兩地的他又身痕，數月前他便另覓「新歡」，一擲過百萬元，購下了一部黑色的新款保時捷辣跑。雖然小齊經常港台兩邊走，但日前返港的他，即急不及待駕駛辣跑出巡，當日下午四時許，一身型仔打扮的小齊，駕駛辣跑前往中環後便把愛車停泊於雪廠街，下車後他前往了附近的名店置裝。

小齊打開車頭放多袋物件於車廂內。

掛住(目及)實「新歡」的小齊，要店員拎戰利品出嚟。

小齊於店內揀選了一會已滿載而歸，但心繫「新歡」的他，未等及店員把戰利品包好，他已急急腳返去(目及)實「新歡」，未幾還有一位女友人前來與他會合。此時店員拿回戰利品予小齊，他便打開車頭把多袋物件放於車廂內。其後小齊與女友人傾了一會，他更邀請對方同往遊車河，友人上車後小齊即驅車離開。

文、攝：追蹤組