Mia木瓜奶升cup冇膽撬Avis
《喜愛夜蒲2》昨日舉行開鏡儀式，一眾女星均騷胸上陣，但身為女主角的苟芸慧卻密實現身，風頭被搶！而飾演一對的周秀娜男友陳偉成及模媽Mia，兩人直言不夠膽發展，娜姐大可放心！
昨日《喜愛夜蒲2》舉行開鏡儀式，一眾女主角均性感現身，模媽Mia更低胸上陣，盡騷事業線。新片中她與周秀娜男友陳偉成（Avis）飾演一對，問到Avis會否與Mia戲外少溝通，免娜姐生氣？他說：「唔會，大家都係做嘢啫，大家相信就得，同埋點睇都知我哋冇咁大膽（指發生感情）。」Mia並言：「佢（娜姐）係都擔心其他女仔。」Mia謂戲中多情慾戲及床戲，最近狂飲木瓜奶谷胸，及每日於家中練情慾戲。問到娜姐可會現身監場？Avis說：「唔會，有時間見面好過，因為佢嚟緊要去內地做嘢。」
錫番糖妹補數
而身為女主角苟芸慧卻只騷香肩，她並言戲中較重內心戲，性感戲份則交給其他女角。而飾演其男友的關楚耀透露有兩場較激的床戲：「第一次拍床戲所以會多溝通。」他並言女友很放心，屆時會邀請她出席首映。
組合Bro5成員Dominic於戲中會有咀戲，糖妹（女友）知道後畀咗5分鐘臉色佢睇，他笑指會約糖妹錫番補數，不過就怕糖妹前來監場，又強調糖妹非醋埕。問到如糖妹拍接吻戲可會接受到？他笑說：「接受到，但佢拍應該變《喜愛遊樂場》，同埋我較大男人，會畀番10分鐘臉色佢睇。」而歌手陳僖儀及莊冬昕則笑言有藉口去蒲，了解現今蒲的文化。
文：音樂組